അഭിയും വിശ്വവും - Food for thought #1

അഭിയുടെ ഒരു ഫേസ്ബുക്ക്‌ അപ്ഡേറ്റ് ഇവിടെ പകർത്തുന്നു , ചർച്ചകൾ ഉണ്ടെങ്കില്  Comment Box ഉപയോഗിക്കാം 

ഉച്ചക്കായിരുന്നു പത്രം മലര്‍ത്തിയത്.''ശാസ്ത്രം'' പേജില്‍ ഒരു വാര്‍ത്ത.ആ വാര്‍ത്ത ഒരുത്തരമാണ്.ഞാനൊരിക്കല്‍ ഒരു ചോദ്യം ചോദിച്ചിരുന്നു.എന്തുകൊണ്ട് ചില ജീവികള്‍ ദൂരേക്കുപോയാലും തിരിച്ചതേ സ്ഥലത്തുതന്നെ എത്തുന്നത്.എന്നായിരുന്നു ചോദ്യം.
ഉത്തരമിതാ.....
അവരുടെ കൈയ്യിലൊരു കോമ്പസുണ്ട്.സൂര്യനേയും,മണ്ണിനേയും ,ആകാശത്തേയുമൊക്കെയാണവര്‍ ദിക്കായി പരിഗണിക്കുന്നത്.ഭൂമിയുടെ ഗുരുത്വാകര്‍ഷണവും ഈ മനസ്സിലാക്കലിന്റെ പ്രധാന ഘടകമാണ്.അപ്പോള്‍ ആ ജീവികളൊക്കെ കാന്തങ്ങളായിരിക്കും........
എന്നാലും നമുക്കതില്ല.ഉണ്ടായിരിക്കാം പക്ഷെ നമുക്കതറിയില്ലല്ലോ /

ഉത്തരം : കടപ്പാട് : വിശ്വപ്രഭ 

അഭീ, സ്വന്തമായുള്ളതൊന്നും വേണ്ടത്ര ഉപയോഗിക്കാനറിയാതെ, മടി പിടിച്ച്, വാച്ചും കാൽക്കുലേറ്ററും ഓട്ടർഷായും ജീപ്പിയെസ്സും അത്യന്താപേക്ഷിതമായി കൊണ്ടുനടക്കുന്ന യുഗത്തിലാണു നാം ജീവിച്ചിരിക്കുന്നതു്. 
നാം തിരിച്ചറിയുന്നതിനേക്കാളും എത്രയോ മടങ്ങ് ശക്തി നമ്മുടെകണ്ണുകൾക്കും ചെവികൾക്കും നാവിനും കൈവിരലുകൾക്കും തൊലിക്കും ഒളിഞ്ഞിരിക്കുന്ന ബോധമനസ്സിനുമുണ്ടു്. എന്നിട്ടും, അതൊന്നും ഉപയോഗിക്കാതെ, നാം ആമകളോടും തേനീച്ചകളോടും അസൂയ പൂണ്ടു നടക്കുന്നു!