അഭിയും വിശ്വവും -QA Session #11

വരയും ചോദ്യവും അഭിജിത്ത്
ഊര്‍ജ്ജം കൂടുതലായി പുറപ്പെടുവിക്കുമ്പോള്‍ ശബ്ദവും ഉണ്ടാകുന്നു,.
പ്രതേകിച്ച് ഹും,ഹാ...എന്ന് തുടങ്ങുന്നവ.
അതെന്തുകൊണ്ടാ.
ഞങ്ങള്‍ രാവിലെ ഷട്ടില്‍ കളിക്കുമ്പോള്‍ ഇങ്ങനെയാണ് കളിക്കാറ്.

ഉത്തരം : കടപ്പാട് വിശ്വപ്രഭ  (Viswa Prabha )

 തിരിച്ചല്ലേ? ശബ്ദമുണ്ടാക്കുമ്പോൾ ഊർജ്ജമല്ലേ കൂടുതൽ ഒഴുകുന്നതു്? 

JCBയും ടിപ്പർ ലോറിയും പ്രവർത്തിക്കുന്നതു കണ്ടിട്ടുണ്ടോ?

നമുക്കു വായുവിനെ വലിയ കാര്യമായിട്ടുതോന്നില്ലെങ്കിലും ശരിക്കും ശക്തിമാൻ അവനാണു്. 

പടക്കവും ബോംബും പൊട്ടാനും മിസ്സൈലുകളും ജെറ്റുവിമാനങ്ങളും തീവണ്ടികളും കപ്പലും പാഞ്ഞുപോകാനും കൊടുങ്കാറ്റും പേമാരിയുമുണ്ടാക്കി ലോകത്തിന്റെ ചരിത്രം തന്നെ മാറ്റാനും ഒക്കെ കാരണം വായുവിന്റെ ശക്തിയാണു്.

അതുകൊണ്ടാണു് ഹനുമാനും ഭീമനും വായുപുത്രന്മാരാണെന്നു പറയുന്നതു്.

നമ്മുടെ പേശികളും വായുവിന്റെ ശക്തിക്കും ലഭ്യതയ്ക്കും അനുസരിച്ചാണു് സ്വന്തം ഊർജ്ജം എത്ര ഒഴുക്കാം എന്നു നിശ്ചയിക്കുന്നതു്. 

നാം ഉണ്ടാക്കുന്ന ശബ്ദമോ? വായുവിന്റെ ഒഴുക്കിന്റെ ഒരു പരിണതഫലം മാത്രം.